सहकारी अभियन्ता सुदिप ढकाललाई ‘पोखरा रोयल सहकारी संस्थापक अध्यक्ष पुरस्कार’

कास्की : सहकारी अभियन्ता सुदिप ढकाल ‘पोखरा रोयल सहकारी संस्थापक अध्यक्ष पुरस्कार’बाट सम्मानित हुनुभएको छ। जिल्ला सहकारी संघ लिमिटेड, कास्कीको ५२औँ वार्षिक साधारण सभाको अवसरमा उहाँलाई उक्त सम्मान प्रदान गरिएको हो।

पोखरा रोयल बचत तथा ऋण सहकारी संस्था लिमिटेडले आफ्ना संस्थापक अध्यक्ष स्वर्गीय तुलसीप्रसाद गुरुङको स्मृतिमा जिल्ला सहकारी संघमा अक्षय कोष स्थापना गरेको थियो। सोही अक्षय कोषबाट प्रत्येक वर्ष एक जना सहकारी अभियन्तालाई संघमार्फत उक्त पुरस्कार प्रदान गरिँदै आएको छ।

ढकाल बिशाल बचत तथा ऋण सहकारी संस्थाका प्रमुख कार्यकारी अधिकृत हुन् ।