केबी उप्रेतीलाई पोखरामा सम्मान

पोखरा, २९ मंसिर

सहकारी बैंकका प्रबन्ध संचालक केबी उप्रेती पोखरामा सम्मानित भएका छन् ।

कास्की बचत तथा ऋण सहकारी संघ लि. को १८ औं वार्षिक साधारण सभाबाट उप्रेती सम्मानित भएका हुन् ।

हालै भारतमा सम्पन्न एशिया तथा प्यासिफिक क्षेत्रका कृषि सहकारीहरुको विकासका लागि संजालको साधारण सभाबाट कार्यकारी समितिको उपाध्यक्षमा निर्वाचित भएको र एशिया प्यासिफिक क्षेत्रमा कृषि सहकारीको विकास र विस्तारमा उल्लेखनीय भूमिका प्रदान गर्न सफल हुने विश्वासका साथ उनलाई सम्मान गरिएको हो ।

उप्रेती साधारणसभाको प्रमुख अतिथी समेत रहेका थिए ।