सहकारी विभाग प्रमुखको सरुवा, ढकाल प्रशासन विभाग नियुक्त

काठमाडौं, ३ मंसिर

काठमाडौँ महानगरको प्रशासन विभाग प्रमुखमा नमराज ढकाल नियुक्त भएका छन् । सहकारी विभाग प्रमुख रहेका ढकाललाई प्रशासन विभागको जिम्मेवारी दिइएको हो ।

प्रशासन विभागलाई सबैभन्दा शक्तिशाली विभागका रुपमा लिइन्छ । विद्यासुन्दर शाक्य काठमाडौँ महानगरपालिकाको मेयर निर्वाचित भएपछि लामो समय ढकालले शाक्यको सचिवालय प्रमुखको जिम्मेवारीमा रहेर सहप्रवक्ताको समेत जिम्मेवारी सम्हालेका थिए ।

शिक्षा, सहकारीलगायत पनि स्थानीय सरकारकै मातहतमा रहने भएपछि ढकाललाई सहकारी विभाग प्रमुखको जिम्मेवारी दिइएको थियो ।

महानगरकै विभिन्न विभागमा रहेर लामो समय काम गरेका ढकालले वित्तीय प्रशासन , दर्शनशास्त्र र अर्थशास्त्रमा स्नातकोत्तर गरेका छन् भने, अर्थशास्त्रमै एमफिल र कानुनमा स्नातक गरेका छन् ।