पञ्चशील बन्यो सहकारी बैंकको सबैभन्दा धेरै सेयर किन्ने संस्था

ललितपुर, ३ मंसिर

ललितपुरको कुमारीपाटी स्थित पञ्चशील बहुउद्देश्यीय सहकारी संस्थाले राष्ट्रिय सहकारी बैंकको ४१ लाख रुपैयाँको सेयर थप गरेको छ ।

यस अघि संस्थाले ६० लाख रुपैयाँ बराबरको सेयर खरिद गरेको थियो । पञ्चशील अब ललितपुर जिल्लाको सबैभन्दा धेरै सेयर खरिद गर्ने संस्था भएको छ ।

बैंकले केन्द्रिय कार्यालयमा एक कार्यक्रमका बीच थप शेयर खरीद गरेकोमा सम्मान समेत गरेको छ । सम्मान कार्यक्रममा बैंकका अध्यक्ष के.वी. उप्रेती, संचालक रामहरी बजगाईं र प्रमुख कार्यकारी अधिकृत बद्रीकुमार गुरागाईंसहित बैंकका विभागीय प्रमुखहरुको उपस्थितिमा संस्थालाई सम्मान गरिएको बैंकले जनाएको छ ।

संस्थाले बैंकको लगनखेल शाखा कार्यालयमार्फत नियमित कारोवार गरिरहेको छ ।

सम्मानपछि बोल्दै पञ्चशील बहुउद्देश्यीय सहकारीका अध्यक्ष राजु खतिवडाले सहकारी बैंक सहकारी संस्थाहरुको आफ्नै बैंक भएकोले संस्थाले बैंकको थप शेयर लिएको बताए ।