सहकारी लेखा नीति, लेखा सूची र लेखा मापदण्ड स्वीकृत

काठमाडौं, २१ कार्तिक ।

सहकारी संस्थाहरुको कारोबारको अभिलेखीकरण, प्रस्तुती र प्रतिवेदनलाई व्यवस्थित गर्न लेखा नीति, लेखा सूची र लेखा मापदण्ड स्वीकृत भएको छ । भूमि व्यवस्था, सहकारी तथा गरिबी निवारण मन्त्रालयले लेखा नीति, लेखा सूची र लेखा मापदण्ड बनाई स्वीकृत गराएको हो ।

कार्तिक १८ गतेको मन्त्रीस्तरीय निर्णय अनुसार सहकारी क्षेत्रको वित्तीय कारोबारहरुको अभिलेखीकरणका लागि लेखा नीति, लेखा सूची र लेखा मापदण्ड पारित गरेको हो ।

अब सम्पूर्ण सहकारीहरुले मन्त्रालयले जारी गरेको लेखा नीति, लेखा सूची र लेखा मापदण्ड बमोजिम संस्थाको वित्तीय कारोबार अभिलेखीकरण, प्रस्तुती र प्रतिवेदन तयारी गर्नुपर्नेछ ।