सुयोग्य साकोस अब आफ्नै भवनमा

काठमाडौं, १२ असोज । कोटेश्वरस्थित सुयोग्य बचत तथा ऋण सहकारी संस्थाको नवनिर्मित भवनको उद्घाटन गरिएको छ ।
शुक्रवारका एक कार्यक्रमको बीच राष्टिय सहकारी महासंघका अध्यक्ष केशव वडालले नवनिर्मित भवनको उद्घाटन गरेका हुन् । भवन उद्घाटन कार्यक्रममा अध्यक्ष वडालले सुयोग्य साकोसले नाम अनुसारको काम गरेको बताए ।
भवन निर्माणका अवसरमा संस्थाका अध्यक्ष चित्रा कुमारी थाम्सुहांड सुव्वाले शुरुवातदेखि नै मितव्ययीपूर्ण रुपमा संस्था संचालन गरी आज आफ्नै भवन निर्माण गर्न सफल भएको बताईन । वि.सं. २०६७ सालमा ३ आना १ पैसा जग्गा खरिद गरी भवन निर्माणका लागि संचालक समितिले भवन निर्माण कोष खडा गरी प्रत्येक संचालकले ५ हजार भन्दा माथि रकम कोषमा जम्मा गरी शुरुवात भएको र संस्थाका हरेक क्रियाकलापमा सदस्यबाट शुल्क लिई उक्त रकम भवन निर्माण कोष जम्मा गदै हाल २६ लाख ४ हजार ८ सय ३० पुगेको र संस्थाको जगेडा कोषको रकम ५७ लाख ३१ हजार ८७ गरी जम्मा रकम ८३ लाख ३५ हजार ९ सय १७ बाट भवन निर्माण गरिएको जानकारी गराए । साथै संस्थाले सदैव सहकारीका मूल्य, मान्यता, सिद्धान्त अनुरुप संचालन गर्दै आएको हुदा सदस्यहरुको विश्वास जित्न सकेको र भवन निर्माण गर्न सफल भएकोे अध्यक्ष सुव्वाले बताईन ।