धादिङमा सहकारीका अध्यक्ष, सचिवको भेला

धादिङ, ८ फागुन । जिल्ला बहुउद्देश्यीय सहकारी संघ धादिङको ३ दिने सहकारी प्रशिक्षण कार्यक्रम आइतबार सम्पन्न भयो । तिन दिन सम्म सञ्चालित प्रशिक्षण कार्यक्रममा जिल्लाका १८ वटा बहुउद्देश्यीय सहकारीहरुका व्यवस्थापकहरुको सहभागीता रहेको थियो ।

२ दिने कर्जा सम्बन्धि, सहकारी व्यवस्थापन र नेतृत्व विकास सम्बन्धी तालिम सञ्चालन गरिएको थियो । कार्यक्रमको तेस्रो दिन सहकारीका अध्यक्ष तथा सचिवहरुको भेला सहित प्रशिक्षण कार्यक्रम सम्पन्न भयो । पहिलो पल्ट संघले आयोजना गरेको यस प्रशिक्षण कार्यक्रममा व्यवस्थापकहरुको क्षमता अभिवृद्धि गर्ने तथा संस्थाले लगानी गर्ने कर्जा कार्यक्रमलाई थप व्यवस्थित र सुधारोन्मुख बनाउने लक्ष्य लिइएको संघका अध्यक्ष पुष्कर सुवेदीले बताए । त्यस्तै अध्यक्ष, सचिवहरुको भेलाबाट सहकारी ऐन, नियमावलि, मापदण्ड आदि सम्बन्धि सामान्य प्रशिक्षणले संघ संस्थाहरुलाई अगाडि बढ्न अझ थप मद्दत हुने विश्वास गरिएको छ ।

खासगरी धादिङमा रहेका सबै बहुउद्देश्यीय सहकारी संस्थाहरुले संघको सदस्यता प्राप्त हुने खालको वातावरणको सुनिश्चितता गर्न, संस्थाहरुलाई संघमा आबद्ध गराई संस्थागत क्षमता अभिवृद्धि र व्यावसायिक प्रबद्र्धन गर्न, व्यवस्थापकहरुको क्षमता अभिवृद्धि गरी संस्थागत सुशासन कायम गर्नको लागि यो कार्यक्रम परिलक्षित रहेको संघले जनाएको छ । यहि फाल्गुण १० गते संघको प्रथम वार्षिक साधारण सभाको आयोजना गरिने पनि संघले जनाएको छ ।

तालिम कार्यक्रमको सहजीकरण जिल्ला वचत तथा ऋण सहकारी संघ लि. ललितपुरका व्यवस्थापक बल्लभ तिमल्सिना र जिल्ला सहकारी संघ ललितपुरका तालिम प्रमुख तेज प्रसाद बजगाईंले गरेका थिए ।