जिल्ला दुग्ध सहकारी संघ बारा सक्रिय

सिमरा, १२ माघ । लामो समयदेखि निष्क्रिय रहेको जिल्ला दुग्ध उत्पादक सहकारी संघ बारा विधिवत रुपमा सक्रिय भएको छ ।

२०५७ सालमा स्थापना भएको संघको शनिवार दोस्रो वार्षिक साधारणसभा सम्पन्न भएको छ । सहकारी अभियानको सुद्धीकरण र उद्यमशिलता विकासका लागि सहकारी ऐन २०४८ को परिमार्जन अनिवार्य रहेको बताउँदै बचत तथा ऋण सहकारीको पुँजीलाई कृषि, पशुपालन र उर्जा विकासमा परिचालन गर्न राज्यले सहयोग पुर्याउनुपर्ने पौडेलले बताए ।

वार्षिक साधारणसभाले आगामी पांच वर्षका लागि नारायण बर्तौलाको अध्यक्षतामा नौ सदस्यीय नयां सञ्चालक समिति गठन गरेको छ । समितिमा उपाध्यक्ष दिलबहादुर लामा, सचिव थानेश्वर सापकोटा, कोषाध्यक्ष लक्ष्मी गौतम, सदस्यहरु अरुणा उप्रेती, उद्धव गौतम, नारायण पौडेल, चन्द्रदत्त पाध्या र चुडामणी भट्टराई रहेका छन् । त्यसैगरी लेखा समितिमा संयोजक मेघनाथ सुवेदी र सदस्यहरु विष्णु अधिकारी र गोपिनी चौलागाई रहेका छन् ।

बारा जिल्ला दुग्धउत्पादनका हिसावले प्रचुर सम्भावना भएको जिल्ला हो । हाल जिल्लाभर १९ वटा दुग्ध उत्पादक सहकारी संस्थाहरु छन् । ती संस्थाहरुले वार्षिक २० करोडको दुधको कारोवार गर्दछन ।