हातेमालो सहकारीको सञ्चालकहरुको क्षमता अभिवृद्धि तालीम सम्पन्न

नवलपरासी । सिमरास्थित हातेमालो बचत तथा ऋण सहकारी संस्थाको सञ्चालकहरुको क्षमता अभिवृद्धिसम्वन्धी तालीम नवलपरासीको गैंडाकोटमा नौ बुंदे घोषणा जारी गर्दै समापन भएको छ ।

एशियाली ऋण महासंघको प्रवद्र्धन र नेपाल बचत तथा ऋण केन्द्रीय सहकारी संघ लिमिटेड नेफ्स्कूनको प्राविधिक सहयोगमा सञ्चालित तालीमपछि सहभागीहरुले हातेमालोलाई सहकारी सिद्धान्त र मूल्यमान्यतामा आधारित बनाई पूर्ण रुपले समुदायमा आधारित, सदस्यकेन्द्रीत सामाजिक व्यवसायिक संस्थाको रुपमा अघि बढाउनसंस्थामा व्यापक सदस्यता विस्तारका लागि प्रतिवद्धता जाहेर गरेका छन् ।

सहभागीहरुले बारा जिल्ला र मध्यतराईसंग जोडिएको राष्ट्रिय गौरवका आयोजनाहरु दोस्रो अन्तरराष्ट्रिय बिमानस्थल, काठमाण्डौं जोडने द्रुतमार्ग र विशेष आर्थिक क्षेत्र निर्माणले यस भेगको समग्र विकास, समुदायको आर्थिक स्तरोन्नति र सहकारी अभियानमा टेवा पुग्ने भएकोले तत्काल अघि बढाउन नेपाल सरकार र सम्वद्ध निकायसंग हार्दिक आग्रह गरेको छ ।