सहकारी बिशिष्ट लेखा पालन तालिम सम्पन्न, तालिम उपलब्धिमुलक : सहभागी

संघको प्रथम चरणको प्रशिक्षण सम्पन्न भएको र चाँडै ऋण व्यवस्थापन एवं पल्र्स विश्लेषण तालिम लगायतका विभिन्न शिर्षकमा सहकारीकर्मीको आवश्यकता अनुरुप सञ्चालन गर्दै जाने संघका व्यवस्थापक दिनेश गेलालले सहकारीखबरलाई बताए ।

काठमाडौं, ६ असोज । जिल्ला सहकारी संघ काठमाडौंको आयोजनामा भएको ६ दिने बिशिष्ट लेखा पालन तालिम सम्पन्न भएको छ ।

संघले सहकारीकर्मीहरुलाई लक्षित गरि असोज १ देखि सञ्चालन ६ गते सम्म तालिम संचालन गरेको थियो । सहकारीमा लेखा व्यबस्थापनका लागि तालिम अत्यन्तै उपलब्धिमुलक र प्रभावकारी रहेको तालिमका सहभागीहरुले प्रतिक्रिया दिएका छन् ।

संघको कार्यालय विजुलीबजार स्थित आफ्नै तालिम हलमा सञ्चालन भएको तालिममा केन्द्रिय सहकारी प्रशिक्षण केन्द्र, सहकारी विभाग तथा सहकारी आन्दोलनका अनुभवी अभियन्ताहरु सहभागीहरुलाई तालिम दिएका थिए ।

तस्बिर सौजन्य : दिनेश गेलाल, जिल्ला सहकारी संघ काठमाडौं