सहकारीको मर्जमा बिचौलिया !

काठमाडौ ३० भदौ ।सहकारी संस्थाहरु एक आपसमा विलय अर्थात मर्जमा जाने क्रम बढेको छ । यहि मर्जको लहरलाई माध्यम बनाएर फाइदा लिने प्रवृति बढ्दै गएको छ । कुनै पनि सहकारी संस्था वा वित्तिय संस्था मर्जमा जानका लागि पहिले साधारण सभाले निर्णय गर्ने र त्यस पछि मिल्ने संस्था खोजेर नियम अनुसार सबै प्रकृया पुर्याउनु पर्ने हुन्छ ।
आफ्ना सबै  क्रियाकलाप मिले पछि नियमन निकायको स्विकृत लिएर मर्जमा  जान मिल्ने कानुनी व्यवस्था रहेको छ । तर मर्जमा जाने सहकारीलाई बिशेष पहल भन्दै विचौलियाले फाइदा लिन थालेका छन् । खुलम खुल्ला फेसबुक मार्फत सहकारीलाई लोन मिलाउने देखि ऋणि समेत खोज्ने जस्ता गैर कानुनी हर्कत गर्दै आएको सहकारी खबर संगालो नामक फेसबुकमा  यस्तो –हेर्नुस तस्विर) सुचना देखिएको छ ।
मर्जको छलफल चलाउनु वा यसको बहस हुनु राम्रो हो । तर यस्ता माध्यमबाट भएका छलफलले कतिलाई फाइदा पुग्ला ? कतै कमिसन लेनदेनको चलखेल त हैन ? नियमन निकाय यता तिर समेत चनाखो हुन आबश्यक भै सक्यो हैन र ?