हेलो सरकारमा गुनासोपछि सहकारीमा दुई दिने बिदा अनिवार्य

काठमाडौं : नेपाल सरकारले २०८२ चैत २२ गते गरेको निर्णयअनुसार सातामा दुई दिन (शनिबार र आइतबार) सार्वजनिक बिदा दिने व्यवस्था लागू भए पनि केही सहकारी संस्थाले उक्त व्यवस्था कार्यान्वयन नगरेको विषयमा हेलो सरकारमा गुनासो परेको छ ।

गुनासो प्राप्त भएपछि राष्ट्रिय सहकारी नियमन प्राधिकरणले सहकारी संस्थाहरूलाई सरकारको निर्णयअनुसार आइतबार पनि अनिवार्य रूपमा बिदा दिन निर्देशन जारी गरेको छ ।

प्राधिकरणले सम्बन्धित निकायलाई निर्णय कार्यान्वयनमा गम्भीर हुन समेत सचेत गराइएको छ।