रोयल को-अपरेटिभद्वारा सहकारी डेरी सञ्चालन

काठमाडौं, ५ भदौ । रोयल को-अपरेटिभले सहकारी डेरी सञ्चालन गरेको छ । अफ्ना सदस्यहरुलाई लक्षित गर्दै रोयलले  डेरी सञ्चालनमा ल्याएको स‌स्थाका प्रबन्ध निर्देशक सिताराम काफ्ले जानकारी दिए ।

रोयल सहकारी बसुन्धरामा आफ्नै भवनमा संचालित छ । संस्थाले आफ्नो सदस्यहरुलाई बिबिध व्यापार, व्यवासाय संचालन गर्न धन जमानत अथवा धितोको आधारमा उचित तथा संभावित परियोजना संचालनार्थ सरल व्याजदरमा कर्जा उपलब्ध गराउँदै आएको छ । संस्थाले कृषि उत्पादन, प्रशोधन ,बिउबिजन खरिद, कृषि यन्त्र खरिद , पशुपालन ,कुखुरा , च्याउ, बंगुर पालन आदीका लागी सदस्यहरुलाई कृषि कर्जाको व्यवस्था गरेको छ ।

त्यस्तै जलबिद्युत, सौर्य उर्जा , वायो ग्याँस आदि स्थापना, विकास र बिस्तारका लागी उर्जा कर्जा, साना तथा मझौला उद्योग संचालन र बिस्तारका लागी औद्योगिक कर्जा, स्वदेश तथा बिदेशमा अध्ययन गर्न तथा स्कुल कलेज स्थापना र बिस्तार गर्नका लागी शैक्षिक कर्जा उपलब्ध गराउने गरेको छ ।