सहकारीका अभिलेखहरु डिजिटाइजेशन गर्दै बागमती प्रदेश सरकार

काठमाडौं । बागमती प्रदेश सरकारले सहकारी नीति तर्जुमा गरी वित्तीय तथा व्यवस्थापकीय जोखिममा रहेका सहकारी संस्थाहरुको अध्ययन, विश्लेषण र वर्गीकरण गर्नुका साथै बचतकर्ताहरुको बचत तथा लगानी संरक्षणमा जोड दिने जनाएको छ ।  बागमती प्रदेश सभामा आज पेश गरिएको सरकारको आगामी आर्थिक वर्षको नीति तथा कार्यक्रममा सहकारी सम्बन्धमा उक्त विषय समावेश गरिएका छन् ।

यसैगरी, उत्पादनमूलक सहकारी संघ/संस्थाहरुको प्रभावकारी उत्पादन, प्रशोधन र बजारीकरणको लार्ग प्रविधि, मेशिनरी उपकरण तथा सीप हस्तान्तरणमार्फत प्रोत्साहन गरिने नीति तथा कार्यक्रममा उल्लेख छ । त्यस्तै सहकारी संस्थाहरुको सम्पूर्ण अभिलेख सुरक्षित र व्यवस्थित राख्न अभिलेखहरूकाे डिजिटाइजेशन गरिने जनाएकाे छ।

। प्रदेश प्रमुख दीपक प्रसाद देवकोटाले सरकारको आगामी आर्थिक वर्ष २०८२/०८३ को नीति कार्यक्रम प्रस्तुत गरेका थिए। सरकारको तर्फबाट भएको नीति तथा कार्यक्रममा आगामी बजेटमा योजना बैंकमार्फत कर्यक्रम अघि बढाउने बताइएको छ ।