जिल्ला सहकारी संघ काठमाडौंको सञ्चालकबाट बाहिरिए कार्की

काठमाडौं : जिल्ला सहकारी संघ काठमाडौंको सञ्चालकबाट हेमबहादुर कार्कीले राजिनामा दिएका छन् । कार्कीले मंगलबार संघका अध्यक्ष सुमन केसीलाई राजिनामा बुझाएका हुन् ।

कार्की जेष्ट आइडियोलोजी बचत तथा ऋण सहकारी संस्था लि.बाट प्रतिनिधीत्व गर्दै सञ्चालकमा गत वर्ष निर्वार्चित भएका थिए । उनी यसअघि ४ वर्ष आमन्त्रित सञ्चालक समेत बनेका थिए ।

कार्की बागमती प्रदेश बचत तथा ऋण सहकारी संघ लि. (बागमती प्रोस्कून) को २०८१ कार्तिक २३ गते सम्पन्न चौथो वार्षिक साधारण सभाबाट सञ्चालकमा निर्वाचित भएका थिए । सोही कारण देखाउँदै उनले जिल्ला संघबाट राजिनामा दिएका हुन् ।

 

उनले राजिनामा पत्रमा भनेको छन्, ‘धेरै ठाउँमा आफैँ रहने अनि अभियान कमजोर भयो भन्ने छुट लिन र दिन हुन्न भन्ने मान्यतालाई आत्मसाथ गर्दै सकात्मक र सृजनात्मक सोचबाट अभिप्रेरित भई राजिनामा दिएको जानकारी गराउँदछु ।’

आगामी दिनमा पनि संघमा तन, मन, बचन र कर्मले लागि रहने प्रतिवद्धता व्यक्त समेत कार्कीले गरेका छन् ।