सहकारी सचिवले भने- ‘प्रतिस्थापन विधेयकमार्फत अध्यादेशलाई समसामयिक बनाउँछौं’

काठमाडौं : भूमि व्यवस्था, सहकारी तथा गरिबी निवारण मन्त्रालयका सचिव अर्जुनप्रसाद पोखरेलले सहकारी अध्यादेशलाई प्रतिस्थापन विधेयकमार्फत समसामयिक बनाउने प्रतिवद्धता जनाएका छन् ।

‘अध्यादेश प्राथमिकतामा ल्याईन्छ । स्टेक होल्डरसँग छलफल गरेर ल्याउने समय हुँदैन । त्यसकारण सबै कुरा नअटेको हुन सक्छ’, उनले भने, ‘प्रतिस्थापन विधेयकमार्फत समसामयिक बनाउँछौं । सहकारी अभियानका कुरा अटाउँछौं र यस क्षेत्रलाई भरपर्दो बनाउँछौं ।’

बचत तथा ऋण सहकारी संस्था सम्बन्धी स्थिरीकरण कोषको तेस्रो वार्षिक परामर्श बैठकमा बोल्दै पोखरेलले सहकारी क्षेत्रमा केही कमीकमजोरी भएका छन् र सुधारको बाटोमा अभियान र सरकारसँगसँगै हुनुपर्ने बताए । सचिव पोखरेलले भने, ‘हामीले गरेका काम पूर्ण नहुन सक्छ । केही कमजोरी भएका होला । आउनुस् छलफल गरौं र समस्याको समाधार गरेर यो क्षेत्रलाई अर्थतन्त्रको सबल पक्षको रुपमा विकास गरौं । सहकारीमा आम जनमानसको विश्वास जितौं ।’