सगुन साकोसका लागि ‘लीडरशीप बुटक्याम्प’

सर्लाही : सगुन साकोसको आयोजना तथा नेफ्स्कूनको प्राविधिक सहयोगमा सोमबारबाट पर्यटकीय नगरी पोखरामामा तीन दिने ‘लीडरशीप बुटक्याम्प’ सुरु भएको छ ।

तालिममा साकोसको सञ्चालक समिति, सल्लाहकार, उपसमिति, उच्च व्यवस्थापन गरी ३३ जनाको सहभागिता रहेको छ । संस्थाका अध्यक्ष केशव प्रसाद ढकालको अध्यक्षता तथा नेफ्स्कूनकी सञ्चालक कमला देवी गिरीको प्रमुख आतिथ्यतामा ‘लीडरशीप बुटक्याम्प’ को उद्घाटन गरिएको थियो ।

उद्घाटन सत्रमा कोषाध्यक्ष पदमा मोक्तानले स्वागत मन्तव्य राखेका थिए । कार्यक्रममा सल्लाहकार बिदुर कुमार प्याकुरेल, लेखा संयोजक जय शंकर सिंह र उपाध्यक्ष राजकुमार उप्रेतीले शुभकामना मन्तव्य राखेका थिए । कार्यक्रममा प्रमुख अतिथि गिरीले बुट क्याम्पले नेतृत्व विकासमा निखार ल्याउने बताइन् ।

तालिमको सहजीकरण प्रशिक्षकहरु सुमनराज घिमिरे र उमेश कोईरालाले गरेका छन् ।