बागमती प्रोस्कूनको निर्वाचन प्रक्रिया लम्बियो

काठमाडौं : बागमती प्रदेश बचत तथा ऋण सहकारी संघ लि. (बागमती प्रोस्कून) को निर्वाचन प्रक्रिया लम्बिएको छ ।

संघको सञ्चालक समिति र लेखा तथा सुपरीवेक्षण समिति निर्विरोध चयन गर्नका लागि प्रक्रिया लम्बिएको हो । अघिकांश पदमा एकल उम्मेदवारी परेको भएपनि केही पदमा आवश्यक भन्दा बढी उम्मेदवारी परेको थियो । आज बिहान ८ बजेसम्म उम्मेदवारी फिर्ताको समय भएपनि निर्वाचन समितिले समय पटक पटक बढाएको छ ।

सञ्चालक खुला र महिलामा मात्रै उम्मेदवारी बढी रहेको छ । सहकारीकर्मीहरु निर्वाचन गराउने पक्षमा छैनन् । सोही अनुसार समय थपेरै भए पनि दुबै समिति निर्वारोध चयन गर्न जुटेका छन् ।