बाढी पीडितको उद्वार, राहत तथा पुन: स्थापनामा जुट्न नेफ्स्कूनको अपिल

काठमाडौं : नेपाल बचत तथा ऋण केन्द्रिय सहकारी संघ लि. (नेफ्स्कून) ले मुलुकका विभिन्न भागमा अविरल वर्षासँगै आएको बाढी र पहिरोका कारण जनधनको क्षति भएकोप्रति दुःख व्यक्त गर्दै बाढी पहिरो पीडितहरुको राहत उद्वार र पुनः स्थापनामा जुट्न अपिल गरेको छ ।

संघका तर्फबाट बरिष्ठ उपाध्यक्ष एवम् प्रवक्ता दामोदर अधिकारीले आज एक अपिल जारी गर्दै सहकारीको सर्वमान्य मूल्य, मान्यता र सिद्धान्तलाई शिरोपर गर्दै ‘एकका लागि सबै र सबैका लागि एक’ भन्ने सहकारिताको मर्म अनुरुप बाढी पहिरो प्रभावित जिल्लासँगै देशै भरका सहकारीकर्मीहरुलाई उच्च प्राथमिकताका साथ एकताबद्ध रुपमा सम्भाव्य सहयोगमा जुट्न आग्रह गरेका हुन् ।

साथै बाढी पहिरो प्रभावित क्षेत्रमा मानवीय, स्वास्थ्य सामाग्री, औषधि उपचार, खाद्य सामाग्री लगायत अत्यावश्यक सहायताको उपलब्धताका लागि स्थानीय सरकार र सहकारी सञ्जालमार्फत खटिन पनि यस केन्द्रिय संघ सबैमा विशेष अनुरोध समेत गरेको छ ।