विषहारामाई साकोसको सहकारी शिक्षा तथा वित्तीय साक्षरता तालिम सम्पन्न

महोत्तरी : विषहारामाई बचत तथा ऋण सहकारी संस्थाले सहकारी शिक्षा तथा वित्तीय साक्षरता तालिम सम्पन्न गरेको छ ।

औरही नगरपालिका–९, अग्लेश्वराका सदस्यहरूलाई लक्षित गरी श्री जनता आधारभूत विद्यालयमा भएको तालिममा ५० जना भन्दा बढी सेयर सदस्यहरूको उपस्थिति रहेको थियो।

बिहान ११ बजेदेखि ३ बजेसम्म भएको तालिममा सहकारीको परिभाषा, मूल्य, मान्यता, सिद्धान्त, बचत, ऋण, वित्तीय साक्षरता, सहकारी र बैंक बीच फरक तथा संस्थाको बारेमा सदस्यहरुलाई सचिव रामनारायण साह, व्यवस्थापक दिनेश कुमार यादव र रामबली मण्डलले प्रशिक्षण दिएका थिए ।

साथै सदस्यहरुले संस्थासँग गरेको कारोबारको अनुभव तथा आफ्नो जीवनको अनुभव समेत आदान प्रदान गरिएको थियो । औरही नगरपालिका वडा नम्बर ९ का वडा अध्यक्ष रघुनन्दन चौधरीले उद्घाटन गरेको तालिममा संस्थाकी अध्यक्ष गणिता यादव, औरही नगरपालिका वडा नम्बर ७ का वडा अध्यक्ष जितेन्द्र यादव लगायतका उपस्थिति थियो।

औरही नगरपालिका वडा नम्बर ७ मा सञ्चालित यस संस्थाले नियमित रूपमा आफ्ना सदस्यहरूलाई सहकारी शिक्षा तथा वित्तीय साक्षरता तालिम दिइरहेका छन्। आगामी दिनमा पनि यस कार्यक्रमलाई निरन्तरता दिने संस्थाकी अध्यक्ष यादवले बताए।