गैंडाकोट ८ लाई ‘पूर्ण सदस्य वडा’ घोषणा गर्दै किसान साकोस

गैंडाकोट : ६७औं राष्ट्रिय सहकारी दिवसको अवसरमा किसान बचत तथा ऋण सहकारी संस्थाले आज प्रभातफेरी कार्यक्रम सम्पन्न गरेको छ ।

किसान साकोसले भोली (चैत्र २०) मा गैंडाकोट वडा नं. ८ लाई पूर्ण किसान सदस्य वडा घोषणा गर्दैछ । सोही अवसरमा आज प्रभातफेरी गरिएको विजय नगर सेवा केन्द्रका संयोजक डिलाराम सापकोटाले जानकारी दिए । किसान बचतको केन्द्रीय कार्यलयबाट सुरु भएको मोटरसाईकल र्यालीमा गैंडाकोट ८ को सम्पूर्ण चोकहरुको परिक्रमा गर्दै गैंडाकोट नगरपालिका अगाडी आएर समापन भएको थियो ।

र्यालीमा संचालक समिति, विजयनगर सेवा केन्द्र उपसमिति, कर्मचारी र सदस्यहरुको उपस्थिती थियो । पूर्ण किसान सदस्य वडा घोषणा कार्यक्रम चैत्र २० गते बिहान ११ बजे विजय आधारभूत विद्यालय, विजयनगर, गैंडाकोट ८ को प्रङ्गणमा हुँदै छ ।

उक्त कार्यक्रममा सम्पूर्ण सदस्यज्यूहरु र शुभचिन्तकहरुलाई संस्थाका अध्यक्ष भोजराज पौडेल आमन्त्रण गर्दै कार्यक्रम समापन गरेका थिए ।

नौट समितिका संयोजक हस्त परियार, आयोजक संस्थाका सदस्यलगायतको उपस्थिति थियो ।