जिल्ला सहकारी संघ काठमाडौंको अध्यक्षमा सुमन केसी र महासचिवमा बालकुमार बास्तोला

काठमाडौं : जिल्ला सहकारी संघ काठमाडौंको अध्यक्षमा सुमन केसी र महासचिवमा बालकुमार बास्तोला बन्ने पक्का पक्की भएको छ ।

पौष २९ गते हुने संघको २४औं वार्षिक साधारण सभाको निर्वाचन कार्यतालिका अनुसार आज उम्मेदवारी दर्ताको कार्यक्रम छ । सहमतीमै नेतृत्व चयन गर्ने कसरतमा सहकारीकर्मीहरु रहेका छन् । यस पटक सबै दल निकटका सहकारीकर्मीहरु मिलेर जाँदै छन् । सोही अनुसार उम्मेदवारीको कार्यक्रम जारी छ ।

नेकपा एमाले, नेपाली कांग्रेस, माओवादी केन्द्र र एकीकृत समाजवादी लगायत दल निकट सहकारीकर्मीहरु सिट बाँडफाँड गरेका छन् । नेकपा एमालेले अध्यक्ष, महासचिव लगायत पदमा आफू निकटका सहकारीकर्मी निर्वाचनमा उठाउँदै छ । सोही अनुसार एमालेबाट अध्यक्षमा सुमन केसी र समहासचिवमा बालकुमार बास्तोला पक्का भएका छन् ।

कुन दलले कति सिट पाउने भन्ने अझै टुंगिसकेको भने छैन । स्रोतका अनुसार माओवादीले एक पदाधिकारी सहित २ सञ्चालक सदस्य पाएका छन् ।