नेफ्स्कूनको गरिमालाई थप उचो बनाउने गरी जोश, जाँगर र उत्साहका साथ काम गर्ने ढकालको प्रतिबद्धता

काठमाडौं : नेपाल बचत तथा ऋण केन्द्रीय सहकारी संघ लि. (नेफ्स्कून)का नवनिर्वाचित अध्यक्ष चन्द्र प्रसाद ढकालले संघको गरिमालाई थप उचो बनाउने गरी नयाँ जोश जाँगर र उत्साहका साथ सञ्चालक समितिले काम गर्ने प्रतिबद्धता व्यक्त गरेका छन् ।

पद बहाली गर्दै अध्यक्ष ढकालले सदस्य संघको सम्बन्धलाई बलियो बनाउने गरी नयाँ सञ्चालक समितिले काम गर्ने विश्वास समेत दिलाए । त्यसका लागि संघका अग्रजहरु तथा सहकारी अभियानका अगुवाहरु तथा सरोकारवालाहरुसँग बसेर काम गरिने उनले बताए । यसैगरी, नवनिर्वाचित अध्यक्ष ढकालले नियामक निकायसँग पनि अभियानका साझा सरोकारका विषयमा छलफल गरिने उल्लेख गरे । सामूहिकताको आधारमा सञ्चालक समितिले सदस्यहरुको भावना प्रतिबिम्वित हुने गरी संघ र साकोस अभियानको साख वृद्धिका दिशामा काम गर्न कुनै कसर बाँकी नराख्ने प्रतिबद्धता व्यक्त गरे । यसैगरी, संघका निर्वतमान अध्यक्ष परितोष पौड्यालले नयाँ सञ्चालक समिति राम्रो बनेको भन्दै अभियान हाक्न सक्ने टीमलाई शुभकामना व्यक्त गरे ।

साकोस अभियानको विश्व परिवेश, राष्ट्रिय आवश्यकत र चुनौतीहरुलाई सामना गर्ने सामथ्र्य नवनिर्वाचित सञ्चालक समितिलाई प्राप्त हुने विश्वास व्यक्त गरे ।