नेफ्स्कूनको लेखा संयोजकमा विकू बचतका पूर्व अध्यक्ष पौडेल विजयी

काठमाडौं : नेपाल बचत तथा ऋण केन्द्रीय सहकारी संघ (नेफ्स्कून) को लेखा सुपरीवेक्षण समितिको संयोजकमा इन्द्रराज ज्योती पौडेल विजयी भएका छन् ।

पौडेलले ११५४ मत प्राप्त गरी विजयी भएका हुन् । उनको प्रतिस्पर्धी राष्ट्रसेवक साकोसका माधवप्रसाद जोशीले मात्र १०४९ मत प्राप्त गरे । पौडेल नेफ्स्कूनका पूर्व सञ्चालक तथा विकू बचत तथा ऋण सहकारी संस्थाका पूर्व अध्यक्ष हुन् । विकू बचतको प्रतिनिधित्व गर्दै पौडेलले उम्मेदवारी दिएका थिए।

उनी विजय एफएम र विजय खबर पत्रिका सञ्चालक संस्था विजय सामुदायिक सूचना तथा सञ्चार सहकारी संस्थाको पूर्व अध्यक्ष समेत हुन् ।

चन्द्रप्रसाद ढकालको समूहबाट उम्मेदवारी दिएका पौडेल सहकारीका कुशल प्रशिक्षक समेत हुन् । विकू सहकारीलाई आजको उचाईमा ल्याउन पौडेलको कडा परिश्रम, समर्पण र कौशल मिसिएको छ ।

तीन दशकभन्दा बढीको उर्जाशिल समय सहकारीमा खर्चेका पौडेलसँग नेफ्स्कूनमा दुई कार्यकाल सञ्चालक रहेर काम गरेको अनुभव समेत छ ।