नुवाकोट बचत संघको अध्यक्षमा नारायण श्रेष्ठ चयन

नुवाकोट : नुवाकोट जिल्ला बचत तथा ऋण सहकारी संघको अध्यक्षमा नारायण श्रेष्ठ निर्वाचित भएका छन् ।

आईतबार सम्पन्न संघको तेस्रो वार्षिक साधारण सभाले श्रेष्ठको नेतृत्वमा ११ सदस्यीय सञ्चालक समिति सर्वसम्मत चयन गरेको हो ।

संघको उपाध्यक्षमा सूर्यकुमार श्रेष्ठ, सचिवमा नारायण खनाल र कोषाध्यक्षमा रामराजा श्रेष्ठ चयन भएका छन् । त्यस्तै सदस्यहरुमा भोलाशंकर गुरुवाचार्य, शान्ति गुरुङ, नविनराज भण्डारी, दिपेन्द्र न्यौपाने, राजेन्द्र खड्का, रामप्रसाद रिमाल र रमेश श्रेष्ठ चयन भएका छन् ।

यसैगरी लेखा समितिको संयाेजकमा हरिकृष्ण श्रेष्ठ चयन भएका छन् । सदस्यमा राजकुमार तिमिल्सिना र ज्ञानेश्वर अमात्य चयन भएका छन् ।

निर्वाचित पदाधिकारीलाई जिल्ला सहकारी संघ नुवाकोटका अध्यक्ष गोकर्णनाथ न्यौपानेले सपथ ग्रहण गराएका थिए ।