विकू बचत र चितवन आँखा अस्पतालबीच सम्झौता, सदस्यलाई २० प्रतिशतसम्म छुट

गैंडाकोट : विकू बचत तथा ऋण सहकारी संस्था र चितवन आँखा अस्पतालबीच सदस्यहरुलाई आँखा जाँच सेवामा छुट सम्बन्धी सम्झौता पत्रमा हस्ताक्षर भएको छ ।

विकू बचतका प्रमुख कार्यकारी अधिकृत माधव प्रसाद पौडेल र चितवन आँखा अस्पतालका प्रवन्ध निर्देशक प्रदीप पौडेलबीच आज सम्झौता भएको हो । सम्झौता अनुसार विकूका सदस्यहरुले आँखा जाँच सेवामा २० प्रतिशतसम्म छुट प्राप्त गर्नेछन् ।

साथै आवश्यकताको आधार र समय समयमा सदस्य, सदस्यका परिवार र समुदायका न्यून आय तथा असाहाय व्यक्तिको आँखा चेक चाँज तथा परार्मश सेवा प्रदान गरिने छ । विकूका सदस्यहरुलाई लक्षित गरी उक्त छुट सम्बन्धी सम्झौता गरिएको हो ।

चितवन आँखा अस्पताल भरतपुर १०, चौविसकोटी अस्पताल रोडमा रहेको छ । साथै वाईपास रोडमा रहेको अस्पतालको शाखाबाट पनि सेवा लिन सकिने संस्थाले जनाएको छ ।