पोखरा रोयलको भदौ मसान्तको वित्तीय विवरण प्रकाशित, कस्तो छ वित्तीय सूचक?

कास्की (पोखरा) : पोखरा रोयल बचत तथा ऋण सहकारी संस्था लिमिटेडले २०८० भदौ मसान्तको वित्तीय विवरण प्रकाशित गरेको छ। संघीय सहकारी विभागको २०७९ असार ३१ गतेको निर्देशन बमोजिम संस्थाले अपरिष्कृत वित्तीय विवरण हरेक महिना प्रकाशित गर्दै आएको छ ।

भदौ मसान्तको वित्तीय विवरण अनुसार संस्थाको सेयर पुँजी २१ करोड ८ लाख ५० हजार रुपैयाँ रहेको छ । संस्थाको जगेडा कोषमा १८ करोड ५२ लाख ३४ हजार ३ सय ३२ रुपैयाँ, अन्य कोषमा १५ करोड ८७ लाख ६४ हजार ६६३ रुपैयाँ र संस्थागत पुँजी १८ करोड ७० लाख ४६ हजार ८१४ रुपैयाँ रहेको छ ।

त्यस्तै कुल बचत १ अर्ब ६४ करोड १ लाख ६९ हजार ५६३ रुपैयाँ, लगानीमा रहेको ऋण १ अर्ब ७७ करोड ४१ लाख ५५ हजार ५११ रुपैयाँ, तरलता रकम ४२ करोड ९६ लाख ६७ हजार ६०५ रुपैयाँ (२६.२९ प्रतिशत) रहेको छ ।

संस्थाको कुल सदस्यसंख्या ९ हजार ४१ रहेको छ भने ऋणी सदस्य संख्या १ हजार ४ सय ३९ जना रहेको छ । संस्थाको कुल सम्पत्ति २ अर्ब २९ करोड ५२ लाख ३३ हजार ३० रुपैयाँ रहेको छ ।