कृष्णकुमार श्रेष्ठ बने सहकारीका सुपर सिईओ

काठमाडौं : चन्द्रागिरि बचत तथा ऋण सहकारी संस्थाका सीइओ कृष्णकुमार श्रेष्ठ मुलुभरकै साकोसहरुमध्येका उत्कृष्ट व्यवस्थापक घोषित भएका छन् । नेपाल बचत तथा ऋण केन्द्रिय सहकारी संघ (नेफ्स्कुन)ले ३६औं स्थापना दिवसको अवसरमा श्रेष्ठलाई उत्कृष्ट व्यवस्थापकको रुपमा घोषित गरेको हो ।

सहकारी क्षेत्रमा २३ वर्षदेखि क्रियाशील श्रेष्ठले विभिन्न बचत तथा ऋण सहकारी संस्थाको सिईओको रुपमा काम गरेका छन् । ग्रामीण विकास विषयमा स्नातकोत्तर गरेका श्रेष्ठ सहकारी क्षेत्रका प्रखर व्यक्तित्वको रुपमा परिचित छन् । उनी सहकारी क्षेत्रको वित्तीय योजना र मानव संशाधन व्यवस्थापनमा पनि विशेष दख्खल राख्छन् । यस अघि सन् २०११ मा पनि उनी नेफ्स्कुनबाटै उत्कृष्ट व्यवस्थापकका रुपमा सम्मानित भइसकेका छन् ।

नेफ्स्कुनले गत वर्ष बिन्धबासिनी साकोसका सीइओ के.बी. लामा स्याङ्तानलाई उत्कृष्ट सिइओ घोषणा गरेको थियो।