२९ वर्षमा किसान बचत, विविध कार्यक्रम गरी मनायो स्थापना दिवस

गैंडाकोट : विजयनगर, नवलपरासीमा मुख्य कार्यालय रहेको किसान बचत तथा ऋण सहकारी संस्था स्थापनाको २९औं वर्षमा प्रवेश गरेको छ । २०५२ साल असार १५ गते स्थापना भएको किसान बचत तथा ऋण सहकारी आजबाट २९ वर्षमा प्रवेश गरेको हो ।

२८ वर्षको दौरानमा सदस्य सञ्जाल, पुँजी संरचना, निक्षेप संकलन, वित्तीय सुचाङ्क, सुशासन, सदस्य सेवाको हिसाबले नेपालकै उत्कृष्ट सहकारी संस्थाको रुपमा उभिएको छ । जेठ मसान्तको तथ्यांक अनुसार संस्थामा ८५ हजार ६ सय ९४ जना आवद्ध भएका छन् । संस्थाको सेयर पुँजी ३३ करोड ६७ लाख ४४ हजार २ सय रुपैयाँ रहेको छ भने जगेडा कोषमा १७ करोड ३९ लाख १५ हजार ७ सय ८७ रुपैयाँ र अन्य कोषमा ३ करोड ३० लाख ४७ हजार ४ सय ८२ रुपैयाँ रहेको छ ।

त्यस्तै संस्थागत पुँजी १९ करोड १५ लाख ३४ हजार २ सय ५३ रुपैयाँ, कुल बचत २ अर्ब ७८ करोड ११ लाख २४ हजार ८ सय १५ रुपैयाँ रहेको छ । संस्थाले १३ हजार १ सय ८४ जनालाई २ अर्ब ४७ करोड ५९ लाख ३९ हजार ४ सय ५ रुपैयाँ लगानी गरेको छ ।

३ अर्ब ५१ करोड ३४ लाख ३२ हजार २ सय ३५ रुपैयाँ कुल सम्पत्ती रहेको संस्थासँग २३.९३ प्रतिशत अर्थात ६६ करोड ५४ लाख २२ हजार ४ सय ५२ रुपैयाँ तरलता रहेको छ । संस्थाले २८औं स्थापना दिवसको अवसरमा समुदाय सरसफाई, टूाफिक सचेतना, गरिब तथा विपन्न सदस्यका छोराछोरीलाई स्टेशनरी वितरण गरेको छ । संस्थाले ५२ जना विद्यार्थीलाई झोपा र स्टेशनरी सामग्री वितरण गरेको हो । त्यस्तै एटिएम बुथको समेत उद्घाटन गरिएको छ ।

संस्थाले आज (शुक्रबार) बृहत रक्तदान कार्यक्रम समेत आयोजना गरेको थियो । केन्द्रिय कार्यालय र कावासोती सेवा केन्द्र परिसरमा आयोजना गरिएको रक्तदानमा २ सय ३८ जनाले रक्तदान गरेका थिए । स्थापना दिवसको अवसरमा आज साँझ सवै २६ वटा सेवा केन्द्रमा दिप प्रज्वलनसहित स्थापना दिवस कार्यक्रम समापन गरिने संस्थाका अध्यक्ष श्रीहरि चालिसेले जनाकारी दिए ।