जिल्ला सहकारी संघ चितवनको टोली पोखरा रोयलमा

कास्की : जिल्ला सहकारी संघ, चितवनको नेतृत्वमा आएको सहकारीकर्मीहरुले पोखरा रोयल बचत तथा ऋण सहकारी संस्थाको भ्रमण गरेको छ ।

संघका सञ्चालक शुशीला उप्रेती र भगवती पोडेलका नेतृत्वमा चितवन जिल्लाका विभिन्न संस्थाहरुको प्रतिनिधि सम्मिलित टोलीले पोखरा रोयल साकोसका पदाधिकारीसँग सहकारीका समसामयिक विषयमा छलफल तथा अन्तरक्रिया गर्दै अनुभव साटासाट गरेको हाे । गण्डकी प्रदेशमा सञ्चालित सफल सहकारीहरुको असल अभ्यासहरु बुझ्न भ्रमण टोली पोखरा आईपुगेको हो । पोखरा रोयल सहकारीको तालिम हलमा सम्पन्न अन्तरक्रिया कार्यक्रममा संस्थाको गतिविधीका सम्वन्धमा संस्थाका प्रमुख कार्यकारी अधिकृत भीम बहादुर गुरुङसँग छलफल तथा अन्तरक्रिया कार्यक्रम सम्पन्न गरेको छ ।

संस्थाका अध्यक्ष रुद्रकुमारी गुरुङ (मैना) को अध्यक्षतामा भएको कार्यक्रममा अध्यक्ष गुरुङले संस्थाको स्थापना कालदेखी हालसम्म भएका गतिविधिहरुका बारेमा जानकारी गराउनु भएकाे थियाे । कार्यक्रम पश्चात भ्रमण अवलोकनकर्ताहरुले पोखरा रोयल सहकारीका महिला सदस्यहरुद्धारा सञ्चालित रोयल दिदीबहिनी किचनको स्थलगत अवलोकनका साथै किचनका पाकवानहरुको टेस्ट गरेका थिए ।