महासम्मेलनमा सहभागी हुने क्यूआर कोड सहितको टिकट अनिवार्य

काठमाडौं : बिहीबार (भोली) बाट सुरु हुने तेश्रो राष्ट्रिय सहकारी महासम्मेलनमा सहभागी हुने क्यूआर कोड सहितको टिकट अनिवार्य गरिएको छ।

महासम्मेलनमा सहभागी हुने रजिष्ट्रेशन गरेका सहभागीहरूले क्यूआर कोड सहितको टिकट अनिवार्य ल्याउनुपर्ने आयोजक राष्ट्रिय सहकारी महासंघले जनाएको छ।

महासम्मेलन हुने तीनै दिन क्यूआर कोड स्क्यान गरेर मात्र कार्यक्रम हलमा प्रवेश गराईने महासंघले जनाएको छ । रजिष्ट्रेशन गरिसकेपछि पाएको टिकट कार्यक्रम अवधिभर आफूसँग सुरक्षित राख्नु समेत महासंघले अनुरोध गरेको छ।

तेश्रो राष्ट्रिय सहकारी महासम्मेलनको रजिष्ट्रेशन डिजिटल माध्यमबाट गरी व्यवस्थापनलाई चुस्त बनाउन महासंघले यस्तो रणनीति तय गरेको हो । टिकेटिङ र क्यूआर कोड स्क्यान गरेर मात्र कार्यक्रम हलमा प्रवेश गराउने महासंघले डिजिटल वालेट खल्तीलाई जिम्मा दिईएको महासंघले जनाएको छ ।

रजिष्ट्रेशन गरी हालसम्म पनि क्यूआर कोड अंकित टिकट प्राप्त नभएको भए महासंघको कार्यालयको फोन नंं ०१-५०१००३३ ५०१०११६ अथवा तालिम अधिकृत देविमाया बाँस्कोटालाई ९८६०९८००२२, ९८५१३६६०३८ मा सम्पर्क गर्नुहुन महासंघले सूचना जारी गरेको छ।