राष्ट्रिय सहकारी बैंकसँग १० अर्बभन्दा बढी तरलता

काठमाडौं : राष्ट्रिय सहकारी बैंकले फागुन मसान्तको अपरिष्कृत वित्तीय विवरण सार्वजनिक गरेको छ।

विवरण अनुसार सहकारी बैंकसँग १० अर्ब ३५ करोड ७५ लाख रुपैयाँ अर्थात् २३.८२ प्रतिशत तरलता रहेको छ। बैंकको शेयरपुँजी २ अर्ब ९४ करोड २७ लाख रुपैयाँ रहेको छ ।

त्यस्तै जगेडा कोषमा एक अर्ब ४ करोड ९९ लाख, कुल बचत ४३ अर्ब ४८ करोड ५९ लाख, ऋण लगानी ३३ अर्ब ८९ करोड ९० लाख रुपैयाँ रहेको छ । त्यस्तै बैंकको कुल संस्थागत पुँजी १ अर्ब १३ करोड ७१ लाख, विभिन्न कोषहरुमा ६९ करोड र कुल सम्पत्ति ५१ अर्ब ५८ करोड ३५ लाख रुपैयाँ रहेको छ।

माघ महिनामा बैंकसँग २२.३८ प्रतिशत तरलता थियो। बैंकमा प्रयाप्त तरलता रकम भएपनि ऋण लगानी भने कडाई गरेको छ।