कास्कून निर्वाचन : उम्मेदवारी फिर्ता समय थपियो

काठमाडौं : काठमाडौं बचत तथा ऋण सहकारी संघ (कास्कून) को निर्वाचन कार्यतालिका पुनः हेरफेर गरिएको छ । आज (१७ गते) बेलुका ५ बजेसम्म उम्मेदवारी फिर्ता समय तोकिएको भए पनि पुनः समय थप गरिएको छ ।

सञ्चालक समितिको बैठकले १ दिन उम्मेदवारी फिर्ता समय थप गर्ने निर्णय गरी समय थप गरिएको हो । सञ्चालक समितिको लिखित पत्राचारपछि निर्वाचन समितिले उम्मेदवारी फिर्ता समय भोली (१८ गते) बेलुका ४ बजेसम्मको लागि तोकिएको छ ।

यस अघि पुष ३० गतेका लागि निर्वाचन कार्यक्रम तय भएको थियो । पुष २८ गते बसेको सञ्चालक समितिको बैठकले माघ २१ गतेलाई निर्वाचन सारेको थियो । तर, कास्कूनमा राजनीति दल हाबी हुँदा समयै निर्वाचन हुन सकेन । यस अघिको निर्वाचनमा पनि चरम राजनीतिक भएको थियो ।