चन्द्रागिरि बचतको नायब सिइओमा कवीन्द्र धौबन्जार

काठमाडौं : चन्द्रागिरि बचत तथा ऋण सहकारी संस्थाको नायब प्रमुख कार्यकारी अधिकृतमा कवीन्द्र धौबन्जार नियुक्त भएका छन् । आज (बिहीबार) एक कार्यक्रमको बीच नायब सिईओ धौबन्जारलाई संस्थाले २ वर्षको लागि नियुक्त गरेको हो ।

संस्थाका प्रमुख कार्यकारी अधिकृत कृष्णकुमार श्रेष्ठले नायब सिईओ धौबन्जारलाई नियुक्ती पत्र हस्तान्तरण गरेका थिए । कार्यक्रममा संस्थाका अध्यक्ष योगेन्द्रकुमार कुँवर लगायत सञ्चालक समितिका सदस्यहरुको समेत उपस्थिती रहेको थियो ।

धौबन्जार यस अघि भक्तपुरको सामुहिक बचत तथा ऋण सहकारी संस्थाको व्यवस्थापक थिए । धौबन्जार ५ वर्षदेखि सामुहिक साकोसको व्यवस्थापक थिए । उनीसँग सहकारी क्षेत्र, बैंक तथा वित्तीय संस्था र निजी कम्पनीहरुमा काम गरेको लामो अनुभव  छ ।