बिन्धवासिनीसँग १८.१९% तरलता, कुल सम्पत्ती ४ अर्ब ४३ करोड नाघ्यो

काभ्रे : बनेपा–७, पनौती रोडमा कर्पोरेट कार्यालय रहेको बिन्धवासिनी बचत तथा ऋण सहकारी संस्थाले कार्तिक महिनाको वित्तीय विवरण (अपरिस्कृत) सार्वजनिक गरेको छ । सहकारी विभागको २०७९ साउन ३१ गतेको निर्देशन बमोजिम संस्थाले कार्तिक महिनाको वित्तीय विवरण सार्वजनिक गरेको हो ।

संस्थाले सार्वजनिक गरेको वित्तीय विवरण अनुसार कार्तिक मसान्तसम्म शेयरपुँजी ४५ करोड ७२ लाख ४६ हजार ६ सय रुपैयाँ, जगेडा कोष ३० करोड ९० लाख ५० हजार १ सय ११ रुपैयाँ, विभिन्न कोष १५ करोड २८ लाख १४ हजार ७ सय ४५ रुपैयाँ, संस्थागत पुँजी ३१ करोड ५७ लाख १ हजार ५ सय २२ रुपैयाँ रहेको छ ।

त्यस्तै कुल बचत ३ अर्ब ५ करोड ९२ लाख ५२ हजार १३ रुपैयाँ र लगानीमा रहेको रकम ३ अर्ब ५७ करोड १३ लाख ५९ हजार १ सय ८७ रुपैयाँ रहेको छ । त्यस्तै संस्थाको कुल सम्पत्ती ४ अर्ब ४३ करोड ८९ लाख ३४ हजार ५ सय ६४ रुपैयाँ रहेको छ ।

कार्तिक मसान्तमा संस्थाको तरलता रकम ५५ करोड ६३ लाख ५६ हजार ४ सय ६४ रुपैयाँ (१८.१९ प्रतिशत) रहेको विवरणमा उल्लेख छ । संस्थामा कुल ४६ हजार ९ सय ४० जना सदस्य रहेका छन् भने कुल ऋणी संख्या १० हजार ९ सय ६१ जना रहेको छ ।

असोज मसान्तको तुलनमा कार्तिक महिनामा तरलता रकम घटेको छ । असोज मसान्तमा संस्थासँग १९.१० प्रतिशत तरलता रहेको थियो । त्यस्तै बचत रकम पनि घटेको छ । असोज मसान्तमा ३ अर्ब ९ करोड ३२ लाख ४ हजार ९ सय ४ रुपैयाँ कुल बचत रहेकोमा कार्तिक मसान्तमा आईपुग्दा ३ अर्ब ५ करोड ९२ लाख ५२ हजार १३ रुपैयाँ कायम भएको छ ।

कार्तिक मसान्तको वित्तीय विवरण (अपरिस्कृत)

असोज मसान्तको वित्तीय विवरण (अपरिस्कृत)