आस्था र हिँउचुली सहकारी पनि कालो सूचिमा

काठमाडौं : कर्जा सूचना केन्द्रले कात्तिक महिनाको १८ गतेसम्ममा थप २ वटा सहकारी संस्थालाई कालो सूचिमा राखेको छ ।

कालो सूचिमा पर्ने सहकारीहरुमा आस्था बचत तथा ऋण सहकारी संस्था र हिँउचुली बचत तथा ऋण सहकारी संस्था रहेका छन् ।

उक्त सहकारीले बैंक तथा वित्तीय संस्थाबाट लिएका ऋण समयमै फर्छ्यौट गर्न नसक्दा, सदस्यलाई बचत फिर्ता गर्न नसक्दा कालो सूचीमा परेको हो । संस्थासँगै संस्थाका सञ्चालहरु पनि कालो सूचिमा परेका छन् ।

आस्था सहकारीका अनिल खडका र जीवन बुढाथोकी पनि कालो सूचिमा परेका छन् ।

त्यस्तै हिँउचुली सहकारीका आशाराम गुरुङ, हिताराम गुरुङ, जांमु शेर्पा, लिलामाया गुरुङ, मान बहादुर गुरुङ, नवराज गुरुङ र तीर्थ बहादुर गुरुङ पनि कालो सूचिमा परेको कर्जा सूचना केन्द्रले जनाएको छ ।