सहकारी बैंकले सुरु गर्याे ई-लाइब्रेरी, जहाँ पाईन्छ सहकारीका स्राेत सामग्री

काठमाडौं : सहकारी क्षेत्रकाे एक मात्र बैंक राष्ट्रिय सहकारी बैंकले ई-लाइब्रेरी सञ्चालनमा ल्याएकाे छ ।

बैंकको २० औं स्थापना दिवसका अवसरमा विहीबारदेखि सुरु गरिएको लाईब्रेरीको भूमि व्यवस्था, सहकारी तथा गरिबी निवारण मन्त्रालयका सचिव रामप्रसाद थपलियाले उद्घाटन गर्नुभयाे ।

लाइब्रेरीमा सहकारी ऐन, नियमावली, निर्देशन तथा परिपत्रका साथै नमुना नीति तथा कार्यविधिहरु, तालिमका भिडियोहरु, लेख रचनालगायतका शिक्षा तथा सूचनामुलक सामाग्रीहरु राखिएको बैंकले जनाएकाे छ ।

बैंकका प्रमुख कार्यकारी अधिकृत बद्री गुरागाईले सहकारी बारे अध्ययन, अनुसन्धान गर्न ई-लाइब्रेरीले योगदान गर्ने बताउनुभयाे । यसबाट सहकारीसम्बन्धी कुनै पनि विषयमा अध्ययन अनुसन्धान गर्न तथा संस्थाहरुको कामलाई समेत सहज हुने उहाँकाे भनाई छ ।