गौतमश्री बहुउद्देश्यीय सहकारी विरुद्ध १०७५ जनाको उजुरी

काठमाडौं : कुलेश्वरमा केन्द्रीय कार्यालय रहेको गौतमश्री बहुउद्देश्यी सहकारी संस्था विरुद्ध १०७५ जनाले उजुरी दिएका छन् ।

संस्थाले बचत रकम फिर्ता नदिएको र सञ्चालक, कर्मचारी सम्पर्कविहिन भएपछि संस्था विरुद्ध सदस्यहरुले सहकारी विभागमा उजुरी दिएका हुन् । आईतबार सहकारी विभागमा सदस्यहरु भेला भई संयुक्त रुपमा १०७५ जनाले उजुरी दिएको सहकारी विभागका उपरजिष्ट्रार टोलराज उपाध्यायले जानकारी दिनुभयो ।

हाल संस्थाका सञ्चालक र कर्मचारीहरु सम्पर्कविहिन छन् । सहकारीका सञ्चालक खोज्न सहकारी विभागले प्रहरीलाई अनुरोध गरेको छ । त्यस्तै संस्थाका सञ्चालहरु र कर्मचारीको बैंक खाता रोक्का राख्न राष्ट्र बैंकलाई समेत अनुरोध गरेको छ ।