सहकारीकर्मी तिमल्सिनालाई पुर्पक्षका लागि थुनामा राख्न आदेश

काठमाडौं : काठमाडौं जिल्ला अदालतले सहकारीकर्मी माधवप्रसाद तिमल्सिनालाई पुर्पक्षका लागि थुनामा राख्ने आदेश दिएको छ ।

राष्ट्रिय सहकारी विकास बोर्डको सञ्चालक समितिका तत्कालीन सदस्य ५३ वर्षीय तिमल्सिनालाई लिखतसम्बन्धी कसूरमा पुर्पक्षका लागि थुनामा पठाउने आदेश गरेको हो ।

तिमल्सिना मुद्दाको किनारा नलाग्दासम्म थुनामा रहनेछन् । नेपाल प्रहरीको केन्द्रीय अनुसन्धान ब्यूरो (सीआईबी)ले बोर्डको संचालक पदमा नियुक्तिको लागि तिमल्सिनाले बुझाएको प्रमाण पत्र कीर्ते र जालसाजीको अभियोगमा पक्राउ परेको थियो । उनी ललितपुरको थसीखेलबाट असार १४ गते पक्राउ गरेका थिए ।