१३ वर्षमा शुभप्रवा सेभिङ्ग, स्थापना दिवसमा स्वास्थ्य शिविर

काठमाडौं : शुभप्रवा सेभिङ्ग एण्ड क्रेडिट को-अपरेटिभ लि. तेह्रौ बर्षमा प्रवेश गरेको छ । स्थापना दिवसको अवसरमा संस्थाले मुटु सम्बन्धी निःशुल्क स्वास्थ्य शिविर तथा औषधी वितरण गरेको छ ।

चावहिल चुच्चेपाटी (संस्थाको पूधान कार्यालय सँगै) आयोजना गरिएको कार्यक्रममा संस्थाका सदस्य, सर्वसाधारण लाभांवित भएका छन् । उक्त कार्यक्रममा ५ सय ७४ जनाको उपस्थित रहेको संस्थाले जनाएको छ । उक्त शिविरमा ३ सय २१ जनाले मुटु चेक अप गराएका छन् भने १ सय ४४ जनाले इसिजी गराएका छन् । त्यस्तै ३० जनाले रक्तदान गरेका थिए । संस्थाले विरामीलाई निःशुल्क औषधी समेत वितरण गरेको थियो ।

शिविरमा वरिष्ठ मुटुरोग बिशेषज्ञ प्रा. डा. प्रेमराज बैध्यको नेतृत्वमा अन्य ८ जना मुटुरोग सम्बन्धी डाक्टर तथा १२ जना स्वास्थ्यकर्मीको टोलीद्धारा परिक्षण तथा उपचारमा सम्लग्न रहेका थिए ।

२०६७ साल असार १६ गते तत्कालित डिभिजन सहकारी कार्यालय काठमाडौंमा दर्ता भएको यस संस्थामा करिब १३ हजार भन्दा बढी सदस्यहरु आवद्ध रहेको संस्थामा प्रशासकिय अधिकृत दिपक पुडासैनीले जानकारी दिनुभयो ।