विकू र स्वागत साकोसको एकीकृत कारोबार सुरु, रत्ननगरको जयमंगलामा २३औं सेवा केन्द्र

नवलपुर : विकू बचत तथा ऋण सहकारी संस्था र स्वागत बचत तथा ऋण सहकारी संस्थाको एकीकृत कारोबार सुरु भएको छ ।

नवलपुर गैंडाकोटमा मुख्य कार्यालय रहेको विकू र चितवनको रत्ननगरमा रहेको स्वागत साकोस बीच एकीकरण भई एकीकृत कारोबार सुरु भएको हो । दुई संस्था बीच एकीकरण भई विकू बचत तथा ऋण सहकारी संस्था कायम भएको छ । साविक स्वागत साकोस रहेको स्थानमा ‘स्वागत सेवा केन्द्र’ रहेको छ । सेवा केन्द्रको उद्घाटन शनिबार एक कार्यक्रमको बीच गरिएको छ ।

रत्ननगर–१३, जयमंगलामा रहेको उक्त सेवा केन्द्रको उद्घाटन रत्ननगर नगरपालिकाका उपप्रमुख यादव प्रसाद पाठले गर्नुभएको हो । कार्यालय उद्घाटन गर्दै उपप्रमुख पाठकले एक सहकारी एक सदस्य अवधारण लागू गर्न सुझाव दिनुभयो । त्यस्तै उहाँले सहकारीहरु समुदायमा आधारित कार्यक्रम गर्न र उत्पादनशिल क्षेत्रमा लगानी गर्नुपर्ने बताउनुभयो ।

कार्यक्रममा विकूका अध्यक्ष ओमप्रसाद सापकोटाले सदस्यको खुशी नै संस्थाको सफलता रहेको बताउनुभयो ।

कायृक्रममा संस्थाका सचिव प्रेमप्रसाद सापकोटाले संस्थाको सदस्य १ लाख १० हजार, ९१ करोड सेयर पुँजी, ४८ करोड जगेडा कोष, ९ अर्ब कुल पुँजी, ८ अर्ब ५० करोड बचत संकलन र ८ अर्ब ऋण लगानी रहेको बताउनुभयो ।

विकूले यस सेवा केन्द्रसँगे नवलपुर र चितवनमा २३ वटा सेवा केन्द्रमार्फत सदस्यलाई सेवा प्रवाह गरिरहेको छ ।