सहकारीलाई करको बोझ थपेर के गर्न खोजेको? : पूर्व अर्थमन्त्री पौडेल

काठमाडौं : पूर्व अर्थमन्त्री बिष्णुप्रसाद पौडेलले सरकारले आ.व. २०७९/०८० मार्फत सहकारी संस्थाको कर बढाएको असन्तुष्टी जनाएका छन् ।

सहकारीले गरिबी निवारण, रोजगारी सृजना गर्न योगदान गर्ने भएकाले उनीहरुलाई प्रोत्साहन गर्नुपर्नेमा करको बोझ थपेर के गर्न खोजेको हो ?, भन्दै प्रश्न गर्नुभयाे । आजकाे प्रतिनिधि सभाको बैठकमा पाैडेलले भन्नुभयाे, ‘सहकारीलाई अर्थतन्त्रको तीन मध्ये एउटा पिल्लरको रुपमा बुझ्ने गरेको छ । त्यस्ता सहकारीमा लाग्ने आयकर किन बढाएको ?’

नगरपालिका, उपमहानगरपालिका र महानगरपालिकामा क्रमशः ५,७ र १० प्रतिशत भएकोमा अहिले ७.५, १० र १५ पुर्याएको भन्दै असन्तुष्टि व्यक्त गर्नुभयाे । बजेटमा आर्थिक विकासको कुरा गरेको भएपनि व्यहारमा उल्टो दिशामा लागेको र देशलाई संकटमा धकेल्ने दाबी गर्नुभयाे ।