६० विद्यार्थीलाई विकू बचतको दीर्घकालिन छात्रवृत्ति

नवलपुर : गैंडाकोटमा रहेको विकू बचत तथा ऋण सहकारी संस्थाले आफ्नो बार्षिक नियमित कार्यक्रम अन्तर्गत विभिन्न तहका ६० जना सदस्यका छोराछोरीहरुलाई छात्रवृत्ति वितरण गरेको छ ।

संस्थाले सञ्चालन गर्दै आएको विकू दीर्घकालीन छात्रवृत्ति कार्यक्रम अन्र्तगत यो छात्रवृत्ति वितरण गरिएको हो । बालबालिकालाई वर्षभरिको लागि आवश्यक शैक्षिक सामग्री, ड्रेस, जुत्ता, झोला र एकमुष्ठ आर्थिक खर्च संस्थाले उपलब्ध गराउँदै आएको छ ।

छात्रवृति वितरण कार्यक्रममा शिक्षा विकास तथा समन्वय इकाई नवलपुरका प्रमुख कृष्ण चन्द्र पोख्रेल प्रमुख अतिथि रहनु भएको थियो । कार्यक्रममा छात्रवृत्ति प्राप्त गर्ने बालबालिकाका अभिभावकहरुबाट तारा गैरे ले मन्तव्य राख्नु भएको थियो ।

कार्यक्रममा छात्रवृत्ति प्राप्तकर्ता कक्षा ९ मा अध्ययनरत छात्रा आरती सापकोटा र कक्षा ४ मा अध्ययनरत छात्रा सृष्टि गैरेले आफ्नो अनुभूति राख्नु भएको थियो ।