युथ फोरमको दोस्रो दिनः दुई कार्यपत्रमा छलफल र युवा सफलताका कथाहरु सुनाउने कार्यक्रम

काठमाडौं : राष्ट्रिय सहकारी महासंघको आयोजनामा काठमाडौंमा हिजोबाट सुरु ‘नेशनल युथ फोरमः कोअपरेटिभ अन्ट्रप्रेनियरसीप–२०२२’ मा आज दुई वटा कार्यपत्र प्रस्तुत हुनेछन् । त्यस्तै वक्ताहरुले सहकारीमार्फत उद्यमशीलता तथा युवा सफलताका कथाहरु पनि सुनाउने कार्यक्रम रहेको छ।

आजको सत्रमा नेपाल सरकारका पूर्व अर्थमन्त्री सुरेन्द्र पाण्डेले ‘प्रविधि, नवप्रवर्तन तथा सामाजिक उद्यमशीलता’ विषयमा र युवा तथा साना व्यवसायी स्वरोजगार कोषका कार्यकारी उपाध्यक्ष डा. देवराज रोकाले ‘सहकारी क्षेत्रमा आर्दश व्यवसाय र सम्भावना’ विषयमा कार्यपत्र प्रस्तुति गर्ने कार्यतालिका छ ।

यसैगरी, उद्योग वाणिज्य महासंघका वरिष्ठ उपाध्यक्ष चन्द्र प्रसाद ढकालले सफलताको कथा सुनाउने कार्यक्रम रहेको छ । त्यस्तै सह आयोजय शिव शिखर बहुउद्देश्यीय सहकारी संस्थाले पनि आफ्नो प्रस्तुती दिने कार्यक्रम रहेको छ ।