ललितपुर जिल्ला संघको अध्यक्षमा केदार गोर्खाली विजयी

ललितपुर : जिल्ला सहकारी संघ लिमिटेड ललितपुरको ३० औं वार्षिक साधारण सभाबाट अध्यक्षमा केदार गोर्खाली निर्वाचित हुनुभएको छ ।

नयाँ नेतृत्व चयनका लागि आइतबार भएको निर्वाचनको मत परिणाम आज बिहान घोषणा गरिएको थियो । केदार गोर्खालीले २३९ मत ल्याई विजयी हुनुभएको हो । अध्यक्षका अर्का प्रतिस्पर्धी राजेन्द्र पौड्यालले १५३ मत ल्याउनुभएको थियो । निर्वाचनमा कुन ४ सय २२ मत खसेको थियो ।

त्यस्तै उपाध्यक्षमा रामशरण बस्नेत २५२ मत लाई विजयी हुनुभएको छ । उहाँको प्रतिस्पर्धी विभुशोन शाक्यले १५३ मत ल्याएका थिए । त्यस्तै महिला उपाध्यक्षमा २३७ मत ल्याई विजयी हुनुभएको छ । त्यस्तै सचिवमा २७२ मत ल्याई अनिलविर बज्राचार्य विजयी हुनुभएको छ । उहाँका प्रतिस्पर्धी शशिधर पोखरेलले १२८ मत ल्याएका थिए ।

यस्तै निर्वाचनबाट महिला सदस्यहरुमा सुष्मा भुजेल महर्जन, ईन्द्र कुमारी थापा, शान्ता लक्ष्मी खड्गी, शर्मिला सिं तथा शर्मिला तिमल्सिना बिजयी भएका छन् ।

निर्वाचनले संचालक समिति (संघ) तर्फ पुरुषोत्तम बजगाई, खुला सञ्चालक समितितर्फबाट नव राज बिष्ट, शम्भु प्रसाद पौडेल, राम भक्त महर्जन, किरण महर्जन, राम गोपाल महर्जन चुनेको छ । यस्तै लेखा सुपरिवेक्षण समिति संयोजकमा उपेन्द्र अवाले तथा सदस्यमा बद्री प्रसाद सञ्जेल र महेन्द्र कुमार महर्जन निर्वाचित हुनुभएको छ ।