सरकार र सहकारी अभियान बीच सहकार्य आवश्यकः रजिष्ट्रार

काठमाडौं : सहकारी विभागका रजिष्ट्रार रुद्रप्रसाद पण्डितले सहकारी अभियान र सरकारबीच सहकार्य आवश्यक भएको बताउनुभएको छ । अभियान र सरकार बीच सहकार्यका लागि विभाग सधै तत्पर रहेको स्पष्ट पार्नुभयो ।

६५ औं राष्ट्रिय दिवसको अवसरमा सहकारी विभागद्वारा आयोजिक विशेष समारोहमा बोल्नुहुँदै रजिष्ट्रार पण्डितले विभागमा आएपछि भएका उपलब्धिहरु बारे जानकारी गराउँदै सन्दर्भ ब्याजदरको मुद्दा सम्बोधन भएको, स्थिरीकरण कोष, कर्जा सूचना केन्द्र, ऋण असुली न्यायाधिकरण आदि गठनका सम्बन्धमा प्रक्रिया अघि बढाइएको बताउनुभयो ।

स्थिरीकरण कोषमा सरकारको पनि योगदान आवश्यक भएको निष्कर्षसहित विभागीय मन्त्रालयमा पत्राचार गरिएको, ८८ बुँदे संशोधनको प्रक्रिया अन्तिम चरणमा पुगेको, केही दिनमै सातै प्रदेशका सहकारी रजिष्ट्रार, स्थानीय सरकार, महासंघ र नेफ्स्कून आदिको सहभागितमा गोष्ठी गर्न लागिएको जानकारी उपलब्ध गराउनुभयो ।