सिको साकोसलाई उत्कृष्ट सहकारी व्यवसाय पुरस्कार-२०७८

ललितपुर : बर्दियाको सिको बचत तथा ऋण सहकारी संस्था उत्कृष्ट सहकारी व्यवसाय पुरस्कार २०७८ पाउन सफल भएको छ ।

राष्ट्रिय सहकारी महासंघले ६५ औं राष्ट्रिय सहकारी दिवसका अवसरमा शनिवार आयोजित कार्यक्रममा लुम्बिनी प्रदेशबाट सिको साकोसलाई उक्त पुरस्कार दिने घोषणा गरेको हो । महासंघले अन्तर्राष्ट्रिय सहकारी दिवसको अवसरमा सो पुरस्कार प्रदान गर्नेछ ।

२०५० साल असोज ९ गते स्थापना भएको सिको साकोस बर्दिया जिल्लाकै पहिलो सहकारी यो । सिको साकोस समुदायमा आधारित नेपालै उत्कृष्ट सहकारीको रुपमा परिचित छ ।

२०५० साल असोज ९ गते स्थापना भएको सिर्जना बचत तथा ऋण सहकारी संस्था बर्गदा, २०५६ सालमा स्थापना भएको कोशेली बचत तथा ऋण सहकारी संस्था वकुवा र २०६७ चैत्रमा दर्ता भएको लक्ष्मी बचत तथा ऋण सहकारी भुरीगाउँ तिनवटै संस्थाको साधारण सभाबाट प्राप्त मार्गदर्शन र म्याण्डेटको आधारमा मिति २०७५असार १ गते एकिकरण सम्पन्न भई सिको बचत तथा ऋण सहकारी संस्था गठन तथा दर्ता भएको थियो ।

संस्था नेपाल सरकारबाट समेत पुरस्कृत भैसकेको छ । त्यस्तै नेफ्स्कूनले पनि पुरस्कृत गरिसकेको छ । संस्थाबाटै प्रतिनिधित्व गरी अध्यक्ष दामोदर अधिकारी नेफ्स्कूनको महाचिव समेत हुनुहुन्छ ।