ब्याजदर बढाउन माग गर्दै सहकारी विभागमा सहकारीकर्मीको धर्ना

काठमाडौं : सन्दर्भ ब्याजदर पुनरावलोकन गर्न माग गर्दै सहकारीकर्मीले संघीय सहकारी विभागमा धर्ना दिएका छन् ।

बैंक वित्तीय संस्थाको निक्षेपको ब्याजदर १२ प्रतिशत पुग्दा समेत सहकारीको ब्याजदर पुनरावलोकन नभएपछि सहकारीकर्मी दवावका लागि आज धर्ना बसेका हुन् । सहकारी विभागका रजिष्ट्रारको संयोजकत्व रहेको सन्दर्भ ब्याजदर निर्धारण समितिको अहिले बसीरहेको बैठकलाई लक्षित गर्दै उनीहरु धर्ना बसेका हुन् ।

सहकारी सन्दर्भ ब्याजदर तत्काल पुनरावलोकन गर्न आवश्यक रहेको र त्यसका लागि आवश्यक पहल तथा दबाब सिर्जना गर्नुपर्ने सुझाव महासंघलाई दिइएको थियो ।

महासंघले यस अघिनै प्रतिस्पर्धि ब्जादर निर्धारणका लागि तत्काल सन्दर्भ ब्याजदर निर्धारण समितिको बैठक बसी सहकारी संघरसंस्थाका आधार ब्याजदरमा बढीमा प्रिमियम ६ प्रतिशतसम्म लिन पाउने गरी अधिकतम ऋणको ब्याजदरको सिमा १७ प्रतिशत तोक्न सुझाव सहकारी विभागलाई दिएको थियो ।