अब सहकारीले आफ्नै नाममा को- ब्राण्ड डेबिट कार्ड जारी गर्न सक्ने

काठमाडौं : दक्षिण एसियामै पहिलो पटक सहकारी संस्थाले आफ्नै नाममा को- ब्राण्ड डेबिट कार्ड जारी गर्न मिल्ने भएको छ । बुधबार एक कार्यक्रमको बीच सनराइज बैंकले सहकारी संस्थाहरुको लागि भिसा को-ब्राण्ड डेबिट कार्ड सञ्चालनमा ल्याएको हो ।

सहकारी संस्थाहरुले जारी गर्ने यस कार्ड नेपालसहित भारत र भुटानमा पनि प्रयोग गर्ने मिल्ने छ । बैंकका अनुसार हाल पाइलट प्रोजेक्टको रुपमा ५ सहकारी संस्थाहरु मार्फत कार्यक्रम सचालन गरिएको छ।

बैंकले यस आर्थिक बर्ष भित्रमा चार प्रदेशबाट थप न्यूनतम २५ सहकारी संस्थाहरुमा सेवा विस्तार गर्ने लक्ष्य लिएको जनाएको छ। योनियर एसोसियट, सनराइज बैंक र आईमार्कको सहकार्यमा कार्ड जारी गरिएको बैंकले जनाएको छ।