शिवजी सापकोटालाई विद्यावारिधीको उपाधी

काठमाडौं : नेपाल बचत तथा ऋण केन्द्रीय सहकारी संघ (नेफ्स्कून)का पूर्व प्रमुख कार्यकारी अधिकृत शिवजी सापकोटा सापकोटाले विद्यावारिधी उपाधी प्राप्त गर्न सफल हुनुभएको छ ।

बैंक र बचत तथा ऋण सहकारीहरुमा मानव श्रोत व्यवस्थापनको तुलनात्मक अध्ययन सोधपत्रसहित सापकोटाले अमेरिकाबाट विद्यावारिधी उपाधी प्राप्त गर्न सफल हुनुभएको हो । उहाँले ३.९६ जिपिए प्राप्त गरी विद्यावारिधी उपाधी प्राप्त गर्नुभएको हो ।

काभ्रेको पनौती स्थित सामुदायिक बचत तथा ऋण सहकारी संस्थाबाट सहकारी क्षेत्रमा प्रवेश गर्नुभएको सापकोटा सहकारी क्षेत्रमा लागेको २३ वर्ष नाघिसकेको छ । २०५५ सालदेखि सहकारीमा प्रवेश गरेका सापकोटा २०६३ साल भदौ १ गतेदेखि नेपाल बचत तथा ऋण केन्द्रीय सहकारी संघ (नेफ्स्कून)मा प्रवेश गर्नुभएको थियो ।